Янгиликлар

RENES лойиҳаси натижалари

Европа Иттифоқининг Erasmus  дастури доирасида молиялаштирилган 574055-EPP-1-2016-1-IT-RPPKA2-CBHE-JP "Development of Master Programme in Renewable Energy Sources and Sustainable Environment" (RENES) мавзусидаги лойиҳасининг амалга оширилиши натижасида, 2018-2019 ўқув йилида Республикада биринчи марта 3 та университетларда - Андижон давлат университети, Қарши давлат университети ва Урганч давлат университетларида янги «Қайта тикланувчи энергия манбалари ва барқарор атроф муҳит физикаси» мутахассислик бўйича магистратурада ўқиш ташкил этилди. Ўзбекистонлик лойиҳа қатнашчи университетларида Испаниянинг "EDIBON" ва Германиянинг LexSolar компанияларида ишлаб чиқилган замонавий лаборатория жиҳозлари асосида ўқув лабораториялари ташкил этилди.  Андижон давлат университети ва Урганч давлат университетларида ташкил этилган лабораториялардаги компьютерлар тармоғи Оксфорддаги микроэлектроника ва наноэлектроникани ривожлантириш марказининг "Synopsys" дастурийтизимига "on-line" тартибда уланди. Эндиликда мазкур университетларнинг иқтидорли талабалари ва ёш олимлари европалик тенгдошлари қаторида замонавий тадқиқотларда иштирок этиш имкониятига эга бўлдилар.